خدمة الحياة الالهية - #شباب

📖 إلى الكتاب المقدس
في سفر أفسس ١٦:٣
“لِكَيْ يُعْطِيَكُمْ (يمنحكم) بِحَسَبِ غِنَى مَجْدِهِ، أَنْ تَتَأَيَّدُوا (تقتدروا) بِالْقُوَّةِ (تتقووا بالقدرة) بِرُوحِهِ فِي الإِنْسَانِ الْبَاطِنِ (الداخلي – روح الإنسان).”

قوة خارقة
(الروح القدس بيملاك قوة)

في سفر أفسس ١٦:٣
"لِكَيْ يُعْطِيَكُمْ (يمنحكم) بِحَسَبِ غِنَى مَجْدِهِ، أَنْ تَتَأَيَّدُوا (تقتدروا) بِالْقُوَّةِ (تتقووا بالقدرة) بِرُوحِهِ فِي الإِنْسَانِ الْبَاطِنِ (الداخلي – روح الإنسان)."

نحكِّي شوية؟

ندى، بنت رياضية بتلعب ألعاب قوى، وهي بتتمرن على سباق الـ 100 متر كان بيجيلها نوبات إغماء؛ ساعات، نَفَسها كان يتقطع ويُغمى عليها في الملعب لما تحاول تجري أسرع لخط النهاية. ده قلقها جداً، لغاية اليوم اللي قبلت فيه الروح القدس! بعدها كانت دايماً بتلاقي سرعة إضافية وقدرة من جواها مش بس عشان تكمل سباقاتها لكن عشان تغلب باقي المتسابقين.
زي ندى،  الروح القدس عايش جواك بيخليك بطل! ده اللي الرسول بولس قال عليه في الشاهد الافتتاحي. كان بيصلي إن شعب الرب "… يتَأَيَّدُوا (يقتدروا) بِالْقُوَّةِ (يتقووا بالقدرة) بِرُوحِهِ فِي الإِنْسَانِ الْبَاطِنِ (الداخلي – روح الإنسان)."
كلمة "تتأيدوا بالقوة" معناها تتملي وتتقوى بالقدرة. الكتاب بيقول لنا إنه طول الوقت اللي فيه شعب إسرائيل كانوا رايحين لأرض الموعد، "... لَمْ يَكُنْ فِي أَسْبَاطِهِمْ عَاثِرٌ." (مزمور 37:105). ماحدش فيهم كان محتاج  يتشال لأنه ضعيف. كانوا مليانين بقوة روح الرب. وده نفسه معاك النهارده، وأحسن كمان.
دلوقتي لما قبلت الروح القدس، هو أحيا جسدك المائت. تقدر تعيش من غير أي شكل من أشكال الضعف في جسدك.
بيقول لنا في رومية ١٠:٨ إنه بما أن المسيح حي فيك، حتى لو جسدك تعب من المرض والضعف، الروح بيديه حياة بسبب البِر. هو ده الإحياء الإلهي.
لأنك مسيحي، مش المفروض تعيا؛ ماينفعش لما يكون عندك الروح القدس! جسدك هو هيكل للروح القدس (١ كورنثوس ١٦:٦). 
إزاي المرض ياخد راحة في جسد بيحرسه الروح القدس ويضمن سلامته؟ المسيح فيك – الروح القدس فيك – هو ضمانك لصحة إلهية وحياة مجيدة في المسيح يسوع. كل اللي أنتَ محتاجه هو إن يكون عندك وعي بسُكنى الروح القدس، وبقوته ومجده فيك. هللويا!

ادخل للعمق
رومية ٨: ١٠ – ١١ 
"وَإِنْ كَانَ الْمَسِيحُ فِيكُمْ، فَالْجَسَدُ مَيِّتٌ بِسَبَبِ الْخَطِيَّةِ، وَأَمَّا الروح فَحَيَاةٌ بِسَبَبِ الْبِرِّ. وَإِنْ كَانَ رُوحُ الَّذِي أَقَامَ يسوع مِنَ الأَمْوَاتِ سَاكِنًا فِيكُمْ، فَالَّذِي أَقَامَ الْمَسِيحَ مِنَ الأَمْوَاتِ سَيُحْيِي أَجْسَادَكُمُ الْمَائِتَةَ أَيْضًا بِرُوحِهِ السَّاكِنِ فِيكُمْ."

أفسس ١: ١٨ – ١٨
"مُسْتَنِيرَةً عُيُونُ أَذْهَانِكُمْ (فهمكم)، لِتَعْلَمُوا مَا هُوَ رَجَاءُ دَعْوَتِهِ، وَمَا هُوَ غِنَى مَجْدِ مِيرَاثِهِ فِي الْقِدِّيسِينَ، وَمَا هِيَ عَظَمَةُ قُدْرَتِهِ الْفَائِقَةُ نَحْوَنَا نَحْنُ الْمُؤْمِنِينَ، حَسَبَ عَمَلِ شِدَّةِ قُوَّتِهِ."

أفسس ٢٠:٣ 
"وَالْقَادِرُ أَنْ يَفْعَلَ فَوْقَ كُلِّ شَيْءٍ، أَكْثَرَ جِدًّا مِمَّا نَطْلُبُ أَوْ نَفْتَكِرُ، بِحَسَبِ الْقُوَّةِ الَّتِي تَعْمَلُ فِينَا."

اتكلم:
أنا دايماً مليان بقدرة الروح القدس الساكن فيَّ لعمل المعجزات. مافيش ضعف فيَّ، لأن الروح القدس، اللي هو تجسيد المجد، والسيادة، والقوة فيَّ بملئه وهو بيقوي روحي، ونفسي، وجسدي ويُحافظ على حيويتهم. مجداً للرب!

خطة القراءة
العام الأول:
متى 22: 15 – 46، خروج 22 – 23 
العام الثاني:
متى 11: 21 – 30، تكوين 32

أكشن:
اتكلم بألسنة دلوقتي واتقوى بالقدرة فوق الطبيعية للروح القدس اللي فيك.

Post Views: 481