خدمة الحياة الالهية - #شباب - مافيش أحكام مستقبلية عليك

ع الكتاب* رومية 1:5
“فَإِذْ قَدْ تَبَرَّرْنَا (أُعلِنَ حكم برائتنا) بِالإِيمَانِ لَنَا سَلاَمٌ مَعَ الإله بِرَبِّنَا يسوع الْمَسِيحِ.”

مافيش أحكام مستقبلية عليك*
*(لك براءة إلهية وسلام مع الإله)*

*ع الكتاب* رومية 1:5
"فَإِذْ قَدْ تَبَرَّرْنَا (أُعلِنَ حكم برائتنا) بِالإِيمَانِ لَنَا سَلاَمٌ مَعَ الإله بِرَبِّنَا يسوع   الْمَسِيحِ."

*نحكِّي شوية؟*
الكتاب بيقولنا إن يسوع مش بس اتسلم للموت من أجل خطاياك، لكنه كمان قام للحياة لأجل تبريرك (رومية 25:4). يعني إيه  تكون متبرر؟ الكلمة اللي اترجمت "تبررنا" معناها اتبرأنا وأُعلن براءتنا، يعني إعلان إنك "غير مُذنب" أو حُر من الذنوب. عشان كده، في ذهن العدالة، مافيش أحكام عليك أو ضدك! سِر البراءة الإلهية يغلب التخيُّل البشري. إزاي شخص يكون بريء بشكل مستمر ودائم؟
إزاي ده ممكن؟ في العدالة الطبيعية الأرضية، أنت بريء النهارده من أحكام أخطاء الماضي؛ ماينفعش تكون بريء من اتهامات في المستقبل. لكن ده مش مع ربنا. براءتك الإلهية بتتخطى الماضي، والحاضر، والمستقبل. فيه علامة عليك في كل مكان تروحه بتقول "بريء!"
اقرأ الشاهد الافتتاحي مرة كمان. بيقول، "فَإِذْ قَدْ تَبَرَّرْنَا (أُعلِنَ حكم برائتنا) بِالإِيمَانِ…" (رومية 1:5). وإيه هو الإيمان؟ الكتاب بيقول، "وأَمَّا الإِيمَانُ فَهُوَ الثِّقَةُ بِمَا يُرْجَى وَالإِيقَانُ بِأُمُورٍ لاَ تُرَى." (عبرانيين 1:11). ماينفعش تطبق الإيمان على حاجات فاتتك، أو حاجات عندك فعلاً. فلما يقول "متبررين بالإيمان" يقصد إنه من اللحظة دي، أنت دخلت لمستقبل من البراءة الإلهية. ده نتيجة اللي يسوع عمله. دلوقتي تقدر تقدَّر اللي قاله في كولوسي 1: 21 – 22، "وَأَنْتُمُ الَّذِينَ كُنْتُمْ قَبْلاً أَجْنَبِيِّينَ وَأَعْدَاءً فِي الْفِكْرِ، فِي الأَعْمَالِ الشِّرِّيرَةِ، قَدْ صَالَحَكُمُ الآنَ فِي جِسْمِ بَشَرِيَّتِهِ بِالْمَوْتِ، لِيُحْضِرَكُمْ قِدِّيسِينَ وَبِلاَ لَوْمٍ وَلاَ شَكْوَى أَمَامَهُ." أنت مُقدس، وبلا لوم ولا شكوى في عيونه. ودي الطريقة اللي ربنا شايفك بيها. 
ليه ممكن أي شخص يعوز يعيش في الخطية وهو فاهم الحقيقة دي؟ أنت مُقدس جداً، وبار جداً، ونضيف جداً، ونقي جداً: دي هدية ربنا ليك! هو أعلن بِره بإعلانه لبراءتك بإيمانك في يسوع: "لإِظْهَارِ بِرِّهِ (أنا أقول) فِي الزَّمَانِ الْحَاضِرِ، لِيَكُونَ بَارًّا وَيُبَرِّرَ مَنْ هُوَ مِنَ الإِيمَانِ بِيَسُوعَ." (رومية 26:3).

*ادخل للعمق*
أعمال 13: 38 – 39 " فَلْيَكُنْ مَعْلُومًا عِنْدَكُمْ أَيُّهَا الرِّجَالُ الإِخْوَةُ، أَنَّهُ بِهذَا يُنَادَى لَكُمْ بِغُفْرَانِ الْخَطَايَا، وَبِهذَا يَتَبَرَّرُ كُلُّ مَنْ يُؤْمِنُ مِنْ كُلِّ مَا لَمْ تَقْدِرُوا أَنْ تَتَبَرَّرُوا مِنْهُ بِنَامُوسِ مُوسَى."

رومية 17:5 "لأَنَّهُ إِنْ كَانَ بِخَطِيَّةِ الْوَاحِدِ قَدْ مَلَكَ (ساد – حكم) الْمَوْتُ بِالْوَاحِدِ، فَبِالأَوْلَى كَثِيرًا الَّذِينَ يَنَالُونَ فَيْضَ النِّعْمَةِ (هِبة) وَعَطِيَّةَ الْبِرِّ، سَيَمْلِكُونَ (يسودون – يحكمون) فِي الْحَيَاةِ بِالْوَاحِدِ يسوع   الْمَسِيحِ!  "

رومية 5: 20 – 21 "وَأَمَّا النَّامُوسُ فَدَخَلَ لِكَيْ تَكْثُرَ الْخَطِيَّةُ. وَلكِنْ حَيْثُ كَثُرَتِ الْخَطِيَّةُ   ازْدَادَتِ النِّعْمَةُ جِدًّا. حَتَّى كَمَا مَلَكَتِ الْخَطِيَّةُ فِي الْمَوْتِ، هكَذَا تَمْلِكُ النِّعْمَةُ بِالْبِرِّ، لِلْحَيَاةِ الأَبَدِيَّةِ، بِيَسُوعَ   الْمَسِيحِ رَبِّنَا. "
*صلِّ*
بابا حبيبي، قد إيه بركة عظيمة إني أعرف إني متبرر إلهياً من كل الأحكام. بأعيش في نور براءتي وبأسود على الخطية، وإبليس، والظروف. حياتي هي التعبير عن بِرك. أنا منتصر طول الطريق، بأخدمك بفرحة من غير خوف أو دينونة، باسم يسوع. آمين

*خطة القراءة*
*العام الأول:*
متى 25: 31 – 46، خروج 31 
*العام الثاني:*
متى 12: 39 – 50، تكوين 37

*أكشن*
زُر مكتبة الراعي كريس الرقمية (https://pcdl.co/) واسمع عظة "7 عطايا من الإله في المسيح" بكل أجزاءها.

Post Views: 391