خدمة الحياة الالهية - اكسب الحرب على رُكبك

ع الكتاب* كولوسي 12:4
“يُسَلِّمُ عَلَيْكُمْ أَبَفْرَاسُ، الَّذِي هُوَ مِنْكُمْ، عَبْدٌ لِلْمَسِيحِ، مُجَاهِدٌ كُلَّ حِينٍ لأَجْلِكُمْ بِالصَّلَوَاتِ، لِكَيْ تَثْبُتُوا كَامِلِينَ وَمُمْتَلِئِينَ فِي كُلِّ مَشِيئَةِ الإلهِ.”

*اكسب الحرب على رُكبك*
*(جاهد في صلواتك للناس)*

*ع الكتاب* كولوسي 12:4 
"يُسَلِّمُ عَلَيْكُمْ أَبَفْرَاسُ، الَّذِي هُوَ مِنْكُمْ، عَبْدٌ لِلْمَسِيحِ، مُجَاهِدٌ كُلَّ حِينٍ لأَجْلِكُمْ بِالصَّلَوَاتِ، لِكَيْ تَثْبُتُوا كَامِلِينَ وَمُمْتَلِئِينَ فِي كُلِّ مَشِيئَةِ الإلهِ."

*نحكِّي شوية؟*
جملة "مُجاهد" في الآية فوق هي "أجونايزوماي  agnoizomai" (باليوناني) واللي منها الكلمة الإنجليزي "agonize" – يعني يتألم. في الواقع، المرادف الأول للكلمة دي هي "يُجاهد"؛ وبرضه معناها يُصارع ويُناضل ضد عدو. نفس الكلمة هي اللي في 1 تيموثاوس 12:6، اللي بتقول،  "جَاهِدْ جِهَادَ الإِيمَانِ الْحَسَنَ…" دلوقتي بولس بالروح القدس، بيقول للمسيحيين في كولوسي إن أبفراس كان دايماً "بيجاهد" من أجلهم في الصلوات. كان بيصارع قوات شيطانية بدلهم. 
ده جزء من اللي بتعمله في التشفع للآخرين. بيقول في 2 كورنثوس 4: 3 – 4، "وَلكِنْ إِنْ كَانَ إِنْجِيلُنَا مَكْتُومًا  (مخفياً)، فَإِنَّمَا هُوَ مَكْتُومٌ (مخفي) فِي الْهَالِكِينَ (الضالين)، الَّذِينَ فِيهِمْ إِلهُ هذَا الدَّهْرِ قَدْ أَعْمَى أَذْهَانَ غَيْرِ الْمُؤْمِنِينَ، لِئَلاَّ تُضِيءَ لَهُمْ إِنَارَةُ إِنْجِيلِ مَجْدِ الْمَسِيحِ، الَّذِي هُوَ صُورَةُ الإله. " هنا بنشوف ليه لازم "نجاهد" في الصلاة من أجل نفوس الرجال والسيدات في كل العالم. 
يمكن بتشارك الإنجيل مع حد في عائلتك أو من حبايبك، أو أصحابك أو جيرانك، وهم رافضين يسمعوك ويقبلوا الخلاص؛ كلمة ربنا بتبين لك إيه المشكلة الحقيقية؛ الشيطان – "إله العالم الشرير ده" – أعمى أذهانهم! وعشان الناس دي، لازم تجاهد من أجل نفوسهم في الصلاة، أنت "بتصارع" في التشفع عشانهم. 
بتعلن، "باسم الرب يسوع، يا روح الظُلمة الشرير، أنا بأكسر تأثيرك عليهم!" لكن، ماتوقفش عند كده؛ كمِّل في التشفع؛ اسمها الغلبة في الصلاة. أنت بتحارب في الصلاة على أذهانهم، إن قلوبهم تنفتح للرب، وينقادوا بكلمة الرب، باسم يسوع. 
بتصلي إن نور الإنجيل المجيد يُشرق في قلوبهم، ويقبلوا نعمة الإله لخلاصهم؛ وإن حضور ربنا يغمر قلوبهم وكلمة ربنا تسود في حياتهم. هللويا! صلِّ بكده عشان أصحابك وعائلتك اللي لسه ماتولدوش من جديد وهتتعجب من النتايج. مجداً للرب!

*ادخل للعمق*
كولوسي 12:4 "يُسَلِّمُ عَلَيْكُمْ أَبَفْرَاسُ، الَّذِي هُوَ مِنْكُمْ، عَبْدٌ لِلْمَسِيحِ، مُجَاهِدٌ كُلَّ حِينٍ لأَجْلِكُمْ بِالصَّلَوَاتِ، لِكَيْ تَثْبُتُوا كَامِلِينَ وَمُمْتَلِئِينَ فِي كُلِّ مَشِيئَةِ الإلهِ."
غلاطية 19:4 "يَا أَوْلاَدِي الَّذِينَ أَتَمَخَّضُ بِكُمْ أَيْضًا إِلَى أَنْ يَتَصَوَّرَ الْمَسِيحُ فِيكُمْ."
1 تيموثاوس 2: 1 – 4 "فَأَطْلُبُ أَوَّلَ كُلِّ شَيْءٍ، أَنْ تُقَامَ طَلِبَاتٌ وَصَلَوَاتٌ وَابْتِهَالاَتٌ وَتَشَكُّرَاتٌ لأَجْلِ جَمِيعِ النَّاسِ، لأَجْلِ الْمُلُوكِ وَجَمِيعِ الَّذِينَ هُمْ فِي مَنْصِبٍ، لِكَيْ نَقْضِيَ حَيَاةً مُطْمَئِنَّةً (في سلام) هَادِئَةً فِي كُلِّ تَقْوَى وَوَقَارٍ (استقامة وأمانة) ،لأَنَّ هذَا حَسَنٌ وَمَقْبُولٌ لَدَى (في نظر) مُخَلِّصِنَا الإلهِ، الَّذِي يُرِيدُ أَنَّ جَمِيعَ النَّاسِ يَخْلُصُونَ، وَإِلَى مَعْرِفَةِ الْحَقِّ يُقْبِلُونَ."

*صلِّ*
ربي المُبارك، بأصلي إن نور إنجيل المسيح المجيد يُشرق في قلوب ناس كتير النهارده لسه ماقبلوش الخلاص، ويحولهم من الظُلمة للنور، ومن سُلطان إبليس للإله، باسم الرب يسوع. آمين. 
*خطة القراءة*
*العام الأول:*
متى 26: 1 – 30، خروج 32 – 33 
*العام الثاني:*
متى 13: 1 – 9، تكوين 38

*أكشن*
صلِّ للي تعرفهم ولسه ماقبلوش الخلاص، زي ما اتعلمنا النهارده.