خدمة الحياة الالهية - خلي حياتك موزونة

ع الكتاب كولوسي 10:1
“لِتَسْلُكُوا كَمَا يَحِقُّ لِلرَّبِّ، فِي كُلِّ رِضىً، مُثْمِرِينَ فِي كُلِّ عَمَل صَالِحٍ، وَنَامِينَ فِي مَعْرِفَةِ الإلهِ.”

خلي حياتك موزونة
(دوَّر على معرفة كلمة ربنا)

ع الكتاب كولوسي 10:1
"لِتَسْلُكُوا كَمَا يَحِقُّ لِلرَّبِّ، فِي كُلِّ رِضىً، مُثْمِرِينَ فِي كُلِّ عَمَل صَالِحٍ، وَنَامِينَ فِي مَعْرِفَةِ الإلهِ."

نحكِّي شوية؟
الروح القدس ألهم الرسول بولس إنه يصلي الصلاة اللي فوق دي للكنيسة، وده يفهمنا إن دي إرادة ربنا لحياتنا. صلِّ إنك تسلك في طريق البِر الحقيقي، وترضي ربنا في كل اللي بتعمله، فتكون مُثمر ومُنتج، وأنت بتكبر في الاختبار الغني لمعرفة ملئه. هللويا! 
ربنا عايز حياتك مُثمرة في كل عمل صالح. وبالثمر ده، عايزك تزوِّد معرفتك به "Epignosis" (المعرفة الكاملة، الدقيقة، العملية). هي دي الحياة المُتزنة اللي هو عايزها لك! فيه بعض الناس، لما بيكونوا مُنتجين قوي في الحاجات اللي بيعملوها في البيت، أو المدرسة، أو أي مكان، مش بيكون عندهم وقت لربنا. بالعافية بيدرسوا الكلمة أو يشاركوا في اجتماعات وأنشطة الكنيسة. 
كل ما بيتقدموا في حياتهم الاجتماعية ودرجاتهم في الدراسة، كل ما مش بيلاقوا وقت للأمور الروحية، وده بيبين إن فيه حاجة غلط. حياة المسيحي هي حياة مجد ونجاح متزايدين. يعني، أنت بتتقدم في دراستك، واللي بتحبهم بيسلكوا في إيمان وبِر، وفي نفس الوقت، أنت بتزيد في معرفة الإله. 
قد إيه مهم معرفة الإله! الكتاب بيقول، "لِتَكْثُرْ لَكُمُ النِّعْمَةُ وَالسَّلاَمُ بِمَعْرِفَةِ الإلهِ وَيَسُوعَ رَبِّنَا." (2 بطرس 2:1). عايز نعمة وسلام  يكتروا في حياتك؟ دوَّر على معرفة الرب ويسوع المسيح! ربنا مش عايزك مُقصِّر في أي اتجاه في حياتك. 
في عدد 11 من كولوسي 1، بيكمل بولس صلاته وهو بيعلن إنك متقوي بكل قوة، بحسب قدرة مجده، بكل صبر وطول أناة بفرح. ممكن تبقى مُنتج جداً، ومُثمر، وقوي. ربنا عايز حياتك مُتزنة وتقدر تحقق رغبته في حياتك بإنك تسلك بمعرفة كلمته.

ادخل للعمق
عبرانيين 13: 20 – 21 "وَإِلهُ السَّلاَمِ الَّذِي أَقَامَ مِنَ الأَمْوَاتِ رَاعِيَ الْخِرَافِ الْعَظِيمَ، رَبَّنَا يسوع، بِدَمِ الْعَهْدِ الأَبَدِيِّ، لِيُكَمِّلْكُمْ فِي كُلِّ عَمَل صَالِحٍ لِتَصْنَعُوا مَشِيئَتَهُ، عَامِلاً فِيكُمْ مَا يُرْضِي أَمَامَهُ بِيَسُوعَ   الْمَسِيحِ، الَّذِي لَهُ الْمَجْدُ إِلَى أَبَدِ الآبِدِينَ. آمِينَ. "

3 يوحنا 2:1 "أَيُّهَا الْحَبِيبُ، فِي كُلِّ شَيْءٍ أَرُومُ أَنْ تَكُونَ نَاجِحًا وَصَحِيحًا، كَمَا أَنَّ نَفْسَكَ نَاجِحَةٌ."

صلِّ
أبويا المُحب الغالي، شكراً لأنك إديتني حياة كاملة ومُتزنة. وبروحك الساكن فيَّ، أنا مُثمر في كل عمل صالح، وبأزداد في معرفة كلمتك، وأنا بأرضيك في كل شيء، وبأحقق هدفك لحياتي، باسم يسوع. آمين.

خطة القراءة
العام الأول:
مرقس 1: 1 – 20، لاويين 6 – 7 
العام الثاني:
متى 14: 11 – 21، تكوين 45

أكشن
النهارده اتأكد إنك تصلي لنفسك الصلاة المكتوبة بالروح في الشاهد الافتتاحي.
الراعي كريس