خدمة الحياة الالهية - أبيض زي التلج

ع الكتاب إشعياء 18:1
“هَلُمَّ نَتَحَاجَجْ، يَقُولُ يهوه. إِنْ كَانَتْ خَطَايَاكُمْ كَالْقِرْمِزِ تَبْيَضُّ كَالثَّلْجِ. إِنْ كَانَتْ حَمْرَاءَ كَالدُّودِيِّ تَصِيرُ كَالصُّوفِ.”

أبيض زي التلج
(في المسيح يسوع أنت نضيف وبلا عيوب)

ع الكتاب إشعياء 18:1
"هَلُمَّ نَتَحَاجَجْ، يَقُولُ يهوه. إِنْ كَانَتْ خَطَايَاكُمْ كَالْقِرْمِزِ تَبْيَضُّ كَالثَّلْجِ. إِنْ كَانَتْ حَمْرَاءَ كَالدُّودِيِّ تَصِيرُ كَالصُّوفِ."

نحكِّي شوية؟
الرب يسوع هو الإله وبلا خطية؛ لكنه صار ذبيحة الخطية التي اتقدمت عن خطية العالم. هو أخذ مكان خطيتنا على الصليب عشان إحنا ناحد مكان بره (2 كورنثوس 21:5). ونتيجة اللي يسوع عمله، أعلن إننا مُقدسين وبلا لوم قُدام الآب. نقدر بجراءة نقف في محضر ربنا من غير إحساس بالذنب، أو الدينونة، أو الدونية.
الحقيقة إنه: ربنا مش ماسك حاجة عليك. بالنسبة له أنت في نفس كمال يسوع لأن بِرك هو بِر يسوع المسيح. تخيل معايا كده: أمير عظيم دعاك تحضر حفلته. وفي الوقت اللي أنت لابس هدوم مقطعة ومش نضيفة وما تتجرأش تقرب حتى منه أو من ضيوفه بسبب شكلك القليل، لكنه بابتسامة دافية وتطمن، شاور لك تدخل وفتح لك باب الحفلة والعزومة. لاحظ إنك متردد ورافض  تدخل، طلب منك أكتر وأكتر إنك تدخل عشان يقدمك للمعازيم اللي في قاعة الحفلة. لكنك بنظرة حزينة، بترفض دعوته. 
وفي الآخر، الأمير قال لك، "أنا عارف أنت حاسس بإيه؛ مش هاكسفك. ممكن تثق فيَّ؟" وقتها، اتكلت على كلمته ودخلت. لكنك لسه مش مُتخيل نفسك بتتعامل مع الناس النضيفة اللي مافيهومش غلطة دول. الأمير لأنه عارف أفكارك، قال، "لأنك صدقتني، شوف نفسك مرة تانية!" وتعمل كده وفجأة، تلاقي نفسك شخصية ملوكي ونضيف زي الأمير نفسه وزي كل الناس الموجودين! ده بالظبط تمثيل لبِرك في المسيح المسيح. 
الكتاب بيقول، "فَإِذْ قَدْ تَبَرَّرْنَا (أُعلِنَ حكم برائتنا) بِالإِيمَانِ لَنَا سَلاَمٌ مَعَ الإله بِرَبِّنَا يسوع   الْمَسِيحِ." (رومية 1:5). مجداً للرب! مش غريب إنه بيقول في 1 كورنثوس 11:6 إنك افتسلت، تقدست واتبررت باسم الرب يسوع، وبروح إلهنا. هو خلاك شريكه في إنك توصل غيرك لحياة البِر الرائعة دي، عشان يختبروا نفس السلام والمجد اللي لك فيه. هللويا! ما تحتفظش به لنفسك بس.

ادخل للعمق
1 كورنثوس 30:1 "وَمِنْهُ (من الإله) أَنْتُمْ بِالْمَسِيحِ   يسوع، الَّذِي صَارَ لَنَا حِكْمَةً مِنَ الإله وَبِرًّا وَقَدَاسَةً وَفِدَاءً. "
1 كورنثوس 11:6 "وَهكَذَا كَانَ أُنَاسٌ مِنْكُمْ. لكِنِ اغْتَسَلْتُمْ، بَلْ تَقَدَّسْتُمْ، بَلْ تَبَرَّرْتُمْ بِاسْمِ الرَّبِّ يسوع وبِرُوحِ إِلهِنَا."
كولوسي 1: 21 – 22 "وَأَنْتُمُ الَّذِينَ كُنْتُمْ قَبْلاً أَجْنَبِيِّينَ وَأَعْدَاءً فِي الْفِكْرِ، فِي الأَعْمَالِ الشِّرِّيرَةِ، قَدْ صَالَحَكُمُ الآنَ فِي جِسْمِ بَشَرِيَّتِهِ بِالْمَوْتِ، لِيُحْضِرَكُمْ قِدِّيسِينَ وَبِلاَ لَوْمٍ وَلاَ شَكْوَى أَمَامَهُ."

صلِّ
بابا حبيبي، بأشكرك على بِرك فيَّ، اللي بينتج فيَّ القدرة إني أعيش صح وأحقق مشيئتك دايماً. أنا بانتج ثمار البِر، وبأعمل البِر وبأظهر صلاحك للعالم، باسم يسوع. آمين.

خطة القراءة
العام الأول:
متى 26: 31 – 56، خروج 34 – 35 
العام الثاني:
متى 13: 10 – 23، تكوين 39

أكشن
طول اليوم، أعلن إنك كامل، ملوكي، ونقي، وبلا عيوب في المسيح يسوع.
الراعي كريس