خدمة الحياة الالهية - #شباب - حافظ على لسان "خالي من الكدب"

كولوسي 9:3
“لاَ تَكْذِبُوا بَعْضُكُمْ عَلَى بَعْضٍ، إِذْ خَلَعْتُمُ الإِنْسَانَ الْعَتِيقَ مَعَ أَعْمَالِهِ.”

حافظ على لسان "خالي من الكدب"
(كلمة ربنا حق، فاتكلم دايماً بها)

ع الكتاب كولوسي 9:3
"لاَ تَكْذِبُوا بَعْضُكُمْ عَلَى بَعْضٍ، إِذْ خَلَعْتُمُ الإِنْسَانَ الْعَتِيقَ مَعَ أَعْمَالِهِ."

نحكِّي شوية؟
في سنة الإعداد اللي إحنا فيها دي، واحدة من العادات اللي لازم تتخلص منها في حياتك تماماً هي الكدب، بسبب عواقبها الخطيرة. كلمة ربنا حق (يوحنا 17:17)، والروح القدس معروف إنه روح الحق (يوحنا 13:16). الحق دايماً بيبعد عن الكدابين، وربنا بيبني مقاومة ضد اللي بيكرهوا الحق. كل ما بيكدبوا أكتر، كل ما ربنا بيقاومهم ويتجنبهم أكتر.
 
الكداب مش بس الإنسان اللي قال كدبة؛ لكنه الشخص اللي عنده عادة إنه يكدب؛ هو بيتفنن في الكدب. الكتاب بيقول عن الناس اللي كده في رؤيا 15:22: "لأَنَّ خَارِجًا الْكِلاَبَ وَالسَّحَرَةَ وَالزُّنَاةَ وَالْقَتَلَةَ وَعَبَدَةَ الأَوْثَانِ، وَكُلَّ مَنْ يُحِبُّ وَيَصْنَعُ كَذِبًا." وده يوريك خطط الكداب وتخطيطه لكدبه. هو عارف إن اللي بيقوله غلط، مع ذلك بيقوله لأنه مش بيفكر غير في نفسه أو نفسها.

الكداب كمان هو واحد بيتكلم بعكس كلمة ربنا. الكتاب بيقول، "… لِيَكُنِ الإله صَادِقًا وَكُلُّ إِنْسَانٍ كَاذِبًا. …" (رومية 4:3). طول ما كلام الإنسان عكس كلمة ربنا، يبقى ده كدب! مثلاً، الكتاب بيقول في رومية 1:5: "فَإِذْ قَدْ تَبَرَّرْنَا (أُعلِنَ حكم براءتنا) بِالإِيمَانِ لَنَا سَلاَمٌ مَعَ الإله بِرَبِّنَا يسوع الْمَسِيحِ." (RAB). إن كنت مولود من جديد، لازم تقبل وتسلك في بره. لو فضلت تقول، "ماحدش ينفع يكون بار قدام ربنا،" دي تبقى كدبة لأنها مش بتتفق مع اللي ربنا قاله.

الكتاب بيقول في 1 بطرس 10:3 حاجة مهمة وبنّاءة جداً: "لأَنَّ: مَنْ أَرَادَ أَنْ يُحِبَّ الْحَيَاةَ وَيَرَى أَيَّامًا صَالِحَةً، فَلْيَكْفُفْ (يتحكم في) لِسَانَهُ عَنِ الشَّرِّ وَشَفَتَيْهِ أَنْ تَتَكَلَّمَا بِالْمَكْرِ (بالكدب)." ماينفعش تكون بتتكلم بكلمة ربنا وفي نفس الوقت بتكدب. ده تناقض. الشخص اللي بيكدب على اللي حواليه مايستحقش الحقيقة لأنه مش بيقولها. لكن لو أنت شاب أو شابة، الحقيقة هتعليك وتحميك (مزمور 4:91). هللويا!

ادخل للعمق
إشعياء 25:44 "مُبَطِّلٌ آيَاتِ الْمُخَادِعِينَ وَمُحَمِّقٌ الْعَرَّافِينَ. مُرَجِّعٌ الْحُكَمَاءَ إِلَى الْوَرَاءِ، وَمُجَهِّلٌ مَعْرِفَتَهُمْ."

أمثال 19:12 "شَفَةُ الصِّدْقِ تَثْبُتُ إِلَى الأَبَدِ، وَلِسَانُ الْكَذِبِ إِنَّمَا هُوَ إِلَى طَرْفَةِ الْعَيْنِ."

صلِّ
بابا حبيبي، شكراً لأنك بتعلمني وترشدني بكلمتك إزاي أعيش بنجاح. شكراً على الروح القدس اللي بيقودني ويرشدني عشان أسلك بالحق. أنا مرفوع لمستويات أعلى من المجد، اللي بيها بأبين تميزك وبرك، باسم يسوع. آمين.

خطة القراءة
العام الأول:
يوحنا 16: 17 – 33، 1 أخبار الأيام 7 – 8 
العام الثاني:
1 كورنثوس 15: 1 – 10، أمثال 28

أكشن
لو متعود على الكدب، تُب النهاردة وجدد ذهنك بحق كلمة ربنا.

Post Views: 469