خدمة الحياة الالهية - مملكة السماء

ع الكتاب متى 2:3
“… تُوبُوا، لأَنَّهُ قَدِ اقْتَرَبَ مَلَكُوتُ السَّماوَاتِ.”

مملكة السماء
(امتداد مملكة ربنا في الأرض)

ع الكتاب متى 2:3
"… تُوبُوا، لأَنَّهُ قَدِ اقْتَرَبَ مَلَكُوتُ السَّماوَاتِ."

نحكِّي شوية؟
في يوم، ومنى بتقرأ كتابها، لقت مكان مكتوب فيه: "… تُوبُوا، لأَنَّهُ قَدِ اقْتَرَبَ مَلَكُوتُ السَّماوَاتِ." (متى 2:3). وفي مرة تانية، قرأت نفس الحاجة في مرقس 15:1: "… كَمَلَ الزَّمَانُ وَاقْتَرَبَ مَلَكُوتُ الْإِلَهِ، فَتُوبُوا وَآمِنُوا بِالإِنْجِيلِ." فسألت نفسها: "هو فيه فرق بين المملكتين؟ وإزاي أعرف الفرق؟" 
أي مرة يكتب كُتاب الأناجيل السينوبتيكية – متى، ومرقس، ولوقا - نفس القصة، ببعض الفروق، تلاقي كتابة متى أكثر اقتباساً لكلام يسوع بالحرف، لأنه الوحيد من الـ 3 اللي كان من الـ 12 رسول، وسمع مباشرةً من يسوع. ومثال جيد لكده هو لما استخدم تعبير "ملكوت السماء" ولما استخدم "ملكوت الإله."
مع إنهم مُستخدَمين زي بعض، لكن التعبيرين مختلفين بين متى ومرقس. وده تعريف بسيط: "مملكة السماء" هو جزء من "مملكة ربنا" مؤسس في الأرض ويسوع هو رأسه. في الواقع، الكلمة اليوناني هي "مملكة السماوات،" ومعناها مملكة من السماء. 
"ملكوت ربنا" معناه حُكم الإله، وسيادة الإله، والمجال الإلهي. ملكوت ربنا ده في كل الكون؛ مُلكه أبعد من مجرد مناطق. مُلكه بيوصل حتى لقلبك – عشان كده مملكة ربنا تقدر تتأسس في قلبك، يسوع قال إن ملكوت الإله بداخلك (لوقا 21:17). 
يسوع جه عشان يأسس مملكة السماء على الأرض – عشان يمثل مملكة ربنا – كسفير عن مملكة ربنا. مملكة السماء هي سفارة ملكوت ربنا. فيسوع بيأسس مقره في الأرض وهدفه إنه يجيب ناس لمملكة ربنا. 
في الأساس، مملكة السماء متعلقة بعمل يسوع المسيح في الأرض؛ هي امتداد لمملكة ربنا في الأرض، رأسها يسوع المسيح. مملكة السماء هي هنا ودلوقتي، اللي إحنا جزء منها. هللويا!

ادخل للعمق
متى 7:10 "وَفِيمَا أَنْتُمْ ذَاهِبُونَ اكْرِزُوا قَائِلِينَ: إِنَّهُ قَدِ اقْتَرَبَ مَلَكُوتُ السَّمَاوَاتِ."
يوحنا 3:3 "أَجَابَ يسوع وَقَالَ لَهُ: «الْحَقَّ الْحَقَّ أَقُولُ لَكَ: إِنْ كَانَ أَحَدٌ لاَ يُولَدُ مِنْ فَوْقُ لاَ يَقْدِرُ أَنْ يَرَى مَلَكُوتَ الإله». "
يوحنا 5:3 "أَجَابَ يسوع: «الْحَقَّ الْحَقَّ أَقُولُ لَكَ: إِنْ كَانَ أَحَدٌ لاَ يُولَدُ مِنَ الْمَاءِ وَالرُّوحِ لاَ يَقْدِرُ أَنْ يَدْخُلَ مَلَكُوتَ الإله."

صلِّ
بابا حبيبي، ما أجمل الحياة التي قدمتها لنا! بأشكرك لأن مملكة ربنا أتأسست في قلبي: سلام، وجمال، ومجد ونعمة وحياة الإله فعالين في روحي، وباينين فيَّ ومن خلالي. أنا مُصمم أكثر من أي وقت فات، إني أقول للعالم عن الأخبار المجيدة دي. ملكوت ربنا هنا بالمسيح وفعال في حياتي. مبارك الإله!

خطة القراءة
العام الأول:
متى 27: 27 – 44، خروج 40

العام الثاني:
متى 13: 44 – 52، تكوين 42

أكشن
شارك الرسالة الإلهية دي مع اللي حواليك.
الراعي كريس